Saturday, February 20, 2010

အိုးသယ်မလက်

လှစီချင်ပါသည်
အနားကွက်စစုံညီလို့
အိုးသယ်မလက်ခတ်သံ
နားဝင်ပီယံဖြစ်တန်မစွမ်း…။

တာဝန်နန့်ဝတ္တရား
ထွေပြားယင်းခတ်ခြင်းမဟုတ်
အိုးသဘာဝခတ်မှလှမည်
စေတနာအသိနန့်လိုရာဖြည့်၏…။

လက်ခတ်သံခမြိုင်မြိုင်
မဆီမဆိုင်ကာရံတိထပ်
အနုပညာမသိ
ပကတိလက်ခတ်သံ…။

ဓလေ့ကိုလက်ဆင့်ယူ
အဖြူထည်စိတ်ရင်းစွဲ
ထုတ်လုပ်မြဲလက်ရာ
စေတနာအလှနန့် အိုးသယ်မလက်…။

လေးစားစွာဖြင့်
SATOE 18012010

Tuesday, February 2, 2010

အလွမ်းကြယ်

ညတစ်ည
ရောင်စုံအိမ်မက်က
လမ်းတ၀က်မှာလန့်နိုး
အပိုးမကျိုးရေငါ့ဟန်ပန်
အိုင်တင်ထုတ်ဖို့ကြံ
ဈာန်ဝင်ချိန်တောင်မရလိုက်…။

လမိုက်ညအလှ
မီးမရမှန်းသိရက်သားနန့်
ကြယ်ရောင်ကိုအဖော်ပြု
လွမ်းခြင်းနန့်အတွီးစု
ခေါင်တောက်ကမမြည်
ခိုတစ်ကောင်ကတော့ ညဉ်းလိုက်တေ…။

ညဉ့်ကာလ
အမှောင်ထဲကိုစိတ်ကူးပေါက်
ရောက်ခရေဇာတ်ပွဲထဲ
သြော်လူသြော် ခေါ်လူခေါ်နန့်
ပလီပလာတိပျော်စံရာ
ရုံဝင်လက်မှတ်ကကျန်ခရေ…။

အာရုံတက်ချိန်
အိမ်နောက်ဖက်ကိုကြယ်ကြွီကျ
နိမိတ်မဖတ်တတ်လို့
အောင့်သက်သက်နန့်အနမ်းဖွဲ့
နှုတ်ဆက်မိရေအလွမ်းကြယ်…။

လေးစားစွာဖြင့်
SATOE 17012010

Wednesday, January 13, 2010

တောင်းဆုဆန္ဒ

လွင့်လီထဲကရနံ့တစ်စုံ
အာရုံဦးမှာဖူးလို့ငုံ
ဝတ်မှုန်ကိုယ်စီပွားပါဖိ
ဆာလောင်မှုအသိ
နှောင်ဖွဲ့မိစဉ်…။

ဆန္ဒကိုထပ်ဆင့်ခြယ်
မှိတ်တုတ်မှိတ်တုတ်မိုးသောက်ကြယ်
နွီ၏ပူလောင်မှုမျိုး
မရိုးနိုင်ရေဆောင်းတစ်ည
မိုးရာသီထဲစွတ်စွတ်စို…။

ပွင့်ချပ်တစ်ခု၏လွတ်လပ်မှုမျိုး
လီပြီတိကတိုက်လို့တိုး
ကိုင်းခက် ချိတ်ဆက် လက်ဖြာ
သဘာဝအလှ စေတနာ
နီရောင်ခြည်လည်းဖြာကျလာ…။

အပြုံးကိုယ်စီဝင့်လို့သီ
ရွက်ဝါတိကထပ်ဆင့်ကြွီ
တိုက်လီလမ်းကြောင်းချီရာ
အားမာန်ဝင့်လို့လာ
ဆန္ဒကိုယ်စီရင့်ကျူးသီ…။

လေးစာစွာဖြင့်
SATOE 16012010

တစ်ခန်းရပ်ပြဇာတ်



စိတ်ကူးနန့်တွဲခရေလက်တစ်စုံ
အာရုံဦးမှာနိမိတ်ဖတ်
တတ်အပ်သိ စိတ်စွမ်းအင်မဟိ
မျှော်လင့်မိခရေ နိန့်ရက်တိ
ဆောင်တိုင်းမြဲအတွီးစ…..

တာစူနိန်ယင်းပစ်မှတ်ကပျောက်
လွင့်ချင်ချင်နန့် နိုးတ၀က်အိမ်မက်
မရေမရာပြုစားမှုလောင်းရိပ်အောက်
ဆန္ဒလွန်ကဲထုဆစ်ခြင်းက
အနာတရနန့်တသသဖြစ်မြဲ…..

တောင်းဆုခြွီရန် အာရုံပြု
နာမေမသိရေခံစားမှုတိက
ထားရာနိန်နှင်ရာလား
ခံစားချက်တမိုးသားအောက်
နှင်းစက်ကျသံတိကရွီမကျ…..။

လေးစားစွာဖြင့်
SATOE 27122009

Tuesday, December 1, 2009

နွီအနမ်း…

နွီရာသီ
လီပြီကတသောသော
ကိုယ်စီလွယ်အိတ်များနန့်
ကျောင်းတော်ကအပြန်
နွမ်းရိနိန်ပုံရိပ်ဆင်ယင်ယင်း
ပြောစမှတ်ပြုအမှတ်တရတိ
ဝီးလို့ကျန်ခရေ…။

တောင်းတန်းအိုကမှိုင်းပြာရီ
လွမ်းတေးဆို ပုံအတိနန့်
တောင်ထက်ကဖိုးခေါင် သြဥ
ဖူးငုံနိန်ရွက်နုရို့အားမာန်ဝင့်ချိန်
တာဝန်ကျီပင်အိုထက်ရွက်ဝါအလှ
မြီမခခင်တင့်တယ်လိုက်တေ…။

အအီးတစ်ဝက်နန့်အပူလိူင်းရက်
မျှော်လင့်ကမ်းပြင်ကိုဖြားရီတက်
ဆားငံရီနန့်ရီချိုကြားကျင်လည်ယင်း
အပိုအဆာအဖြေရှာနိန်မိ
သေချာမသိရေ ဆန္ဒနန့်
နွီအ၀င်နှုတ်ဆက်အနမ်း…။

လေးစားစွာဖြင့်
SATOE 02122009

Tuesday, November 24, 2009

လိုရာမဲ့ဆန္ဒ

မှောင်စပြုညကာလမှာ
လရောင်မိုးမခန်းအောက်
ပုဇွန်ဆီရောင်ဆည်းဆာအလှ
ပျောက်လုပျောက်ခင်
အရိပ်အကဲမသိ
ဆန္ဒတိနန့်လိုရာမဲ့ဦးတည်ချက်…။

ရနံ့တစုံကိုမက်မောယင်း
ပန်းတပွင့်ရာဇ၀င်ကိုလေ့လာချင်ခသူ
ဖြူနီပြာရောင်စုံညအလှထဲမှာ
ပျော်ဝင်စီးမျှောယင်း
လမ်းတဆုံးတော့မော့မကြည့်ချင်…။

အဆိပ်မိသူမဟုတ်သည့်တိုင်
ပျား ပိတုန်းဆိုစော်က
ဥယျာဉ်မှူးနန့်မိတ်ဖက်တိယာ
ဂန္တ၀င်မြောက်ခန်းနားမှူတိအောက်
လရောင်ကလင်းလက်ခွင့်ပျောက်…။

ရွက်ခြောက်တိကြွီ
ရွက်နုဝီတိုင်း
နိရက်သစ်တိကိုအဖော်ပြု
ရင်ထဲကခံစားချက်ကိုမွန်းမံ
တောင်းဆုပြုရန်လိုရာမဲ့ဆန္ဒတခု…။

လေးစားစွာဖြင့်
SATOE (15112009)

အလွမ်းသင့်ရောင်စုံည

လက်ထဲကမိုက်ကရိုမီတာတစ်လက်
တိုင်းစရာရှာယင်းနန့်အတွီးစ
ချပြလို့ရရေကိန်းဂဏန်းတိမဟိ
အစမသိရေအတွီးကြိုးကိုဆွဲဆန့်မိ
လျှောက်မိခရေလမ်းကြောင်းတိက
နှုတ်ဆက်ယင်းနန့်အတိတ်မှာ…

ရောက်နိန်ခရေပုံစံချေတိ
နာမေမသိရေအယင်ကခံစားမှုမျိုး
မျှော်လင့်ဖို့ခံစားမှုကုန်ကြမ်း
နယ်လှည့်ယင်းကျင်လည်ချင်ခရေခရီး
အိမ်မက်ကိုပုံဖော်ဖို့စိတ်ကူး
ရူးမိုက်မိုက်နန့်သျှူသျှိူက်မိခရေ
မျှော်လင့်ခြင်းတဖက်အလွန်က…

နိရက်တိနန့်လကိုဖွဲ့
လတိနန့်နှစ်ကိုသီ
ဆောင်လီပါယင့်ဆယ်စုတိဆီ
ဓလေ့ကိုလွမ်းရာသီတမ်းယင်း
ဆောင်းပေါက် မိုးနှောင်း နွီဦးပြောင်း
ရွက်ဟောင်းတိလည်းကြွီနိန်ဗျာယ်…

ခရင်းတစ်စုံမလိုရေ
လတ်လတ်ဆတ်ဆတ်ခြံထွက်သီးနှံများနန့်
ဆူဆူညံညံမိသားစုထမင်းဝိုင်း
ရောင်စုံမီးမရလို့
ဆီမီးခွက်အောက်မှာပင်စားရစားရ
အရသာကတော့အဆမကန်ပိုရေ…

ကျေးဇူးတရားကိုလေ့လာယင်း
သီအိုရီကိုထပ်ဖြည့်စွက်
နားလည်ရခက်တေယူဆချက်တိနန့်
လွမ်းယင်းတမိရေ
မိဘအရိပ်ချေစကေခိုချင်လို့
အားလပ်ရက်ကမဟိကေ
အေတဆောင်းလည်းပြောင်းပါဗျာယ်…။

လေးစားစွာဖြင့်
SATOE 20112009